Fimm akureyrsk mörk í tapi gegn Úkraínu

860851

Guðmundur Hólmar Helgason stóð vaktina í vörninni

Íslenska karlalandsliðið í handbolta fór illa að ráði sínu í Sumy í Úkraínu í dag þar sem liðið mætti heimamönnum í undankeppni EM 2018. Úkraínumenn unnu tveggja marka sigur, 27-25.

Akureyringarnir Guðmundur Hólmar Helgason, Arnór Atlason og Arnór Þór Gunnarsson spiluðu allir stórt hlutverk í leiknum. Guðmundur Hólmar stóð í hjarta varnarinnar stóran hluta leiksins en lék ekkert með í sókninni.

Arnór Þór skoraði þrjú mörk úr sex skotum og nafni hans Atlason var með tvö mörk úr þremur skotum.

Igor Kopyshynskyi, nýjasti liðsmaður Akureyri Handboltafélags, er í úkraínska landsliðshópnum en kom ekki við sögu í leiknum í dag.

Sjá einnig

Arnór Atlason í nærmynd – Ólíklegt að maður endi í Þórsbúningnum

Arnór Þór Gunnarsson í nærmynd – Leit upp til Valda Gríms

Guðmundur Hólmar í nærmynd – Eyrarland besti staður í heimi

UMMÆLI

Sambíó