fbpx

Kristjánsbakarí hefur sölu á bragga með innfluttum stráum frá Svíþjóð

Kristjánsbakarí hefur sölu á bragga með innfluttum stráum frá Svíþjóð

Kristjánsbakarí auglýsti á dögunum nýja vöru sem er komin í sölu hjá þeim á Akureyri. Bakaríið segir ekkert hafa verið sparað við gerð braggans og vandað til verka við hvert handtak. Nú fagna þau loksins verklokum en ítreka þó að ekki hafi farið heilar 20.000 vinnustundir í þennan tiltekna Bragga. Kristjánsbakarí hefur verið með Bragga í sölu lengi vel en nú hefur hann fengið allsherjar endurbætur, m.a. með nýjum innfluttum strám.

Braggamálið hefur verið á vörum allra íslendinga undanfarnar vikur þegar í ljós kom að endurbætur á Bragganum í Nauthólsvík kostaði rúmlega 400 milljónir króna. Sundurliðun á kostnaðinum hefur verið birt og harðleg gagnrýnd en m.a. var eytt rúmlega milljón í sérinnflutt strá og gróðursetningu þeirra. Mikið grín um þessa staðreynd og kostnað braggans hefur verið á samfélagsmiðlum undanfarið en Kaffið telur Kristjánsbakarí toppa umræðuna með nýjustu færslu sinni.

,,Eftirspurn eftir Bragga hefur aldrei verið meiri, þó aðallega vegna þess hve ódýr hann er miðað við aðra bragga. Eins og með alla Bragga var engu til sparað í þennan Bragga. Stráin til skreytingar voru sérinnflutt frá Svíþjóð og vandað til verka við hvert handtak. Það skal þó viðurkennast að ekki fóru 20.000 vinnustundir í þennan Bragga,” segir í færslunni frá Bakarínu.

UMMÆLI