Handknattleiksmaðurinn Sigtryggur Daði Rúnarsson er algjörlega óstöðvandi um þessar mundir en hann var besti maður vallarins þegar lið hans, Aue, vann ellefu marka sigur, 36-25, á Saarlouis í þýsku B-deildinni í handbolta í dag.
Sigtryggur Daði skoraði tíu mörk úr tíu skotum. Hreint magnaður leikur hjá kauða en hann hefur spilað afar vel að undanförnu.
Sjá einnig: Sigtryggur Daði hefur skorað 25 mörk í síðustu þremur leikjum
Árni Þór Sigtryggsson bætti við þrem mörkum úr fimm skotum.
Oddur Gretarsson var sömuleiðis í eldlínunni í sömu deild í dag en hann skoraði fimm mörk úr fimm skotum þegar Emsdetten vann þriggja marka sigur á Hamm-Westfalen.
Sjá einnig
Árni Þór Sigtryggsson í nærmynd – Dómarar mest pirrandi andstæðingar
UMMÆLI