Þórsarar halda áfram á sigurbraut í 1.deild karla í körfubolta. Í kvöld tóku þeir á móti Snæfelli í Höllinni á Akureyri.
Leiknum lauk með 97-62 sigri heimamanna.
Pálmi Geir Jónsson var stigahæstur í liði heimamanna með 20 stig og þar á eftir kom Damir Mijic með 19 stig.
Í liði gestanna var Dominykas Zupkauskas stigahæstur með 14 stig og næstur Darrell Flake með 9 stig.
Eftir leikinn eru Þórsarar sem fyrr á toppi deildarinnar með 24 stig en Snæfell áfram á botninum með 0 stig.
Næsti leikur Þórsara er útileikur gegn Vestra á Ísafirði þann 25. janúar næstkomandi.
UMMÆLI