Stelpurnar í Þór/KA/Hömrunum tryggðu sér Íslandsmeistaratitilinn í 2. flokki í knattspyrnu í dag þegar liðið vann stórsigur á HK/Víkingi á Akureyrarvelli.
Stelpurnar þurftu á sigri að halda til að tryggja sér titilinn. Hin unga og efnilega Karen María Sigurgeirsdóttir kom liðinu yfir strax á 7. mínútu. Karen var ekki hætt en hún bætti við tveimur mörkum á 18. og 22. mínútu og kom liði sínu í 3-0.
Andrea Mist Pálsdóttir og Margrét Árnadóttir bættu síðan við sitthvoru markinu fyrir hálfleik og staðan því orðin 5-0 þegar dómarinn flautaði til leikhlés.
Síðari hálfleikurinn var töluvert rólegri en HK/Víkingur náðu að skora eitt mark í lok leiks og lokatölur 5-1. Þór/KA Hamrarnir eru því Íslandsmeistarar 2017.
Karen María Sigurgeirsdóttir hefur verið frábær með liðinu í sumar en hún varð markahæsti leikmaður mótsins með 17 mörk í 11 leikjum.
Þór/KA/Hamrarnir Íslandsmeistarar í 2. flokki 2017. Til hamingju!
U-19 team Þór/KA/Hamrarnir champions of Iceland 2017! #fotboltinet pic.twitter.com/Jv6GMHmR1f— Þór/KA (@thorkastelpur) September 16, 2017
UMMÆLI