Tryggvi Snær yfirgefur Þór

Tryggvi Snær Hlinason

Karfan.is greinir frá því í dag að Tryggvi Snær Hlinason sé búinn að skrifa undir samning við Spánarmeistara Valencia. Tryggvi spilaði með Þór í Dominos deildinni í körfubolta síðastliðin vetur og braut sér leið inn í A landslið Íslands í körfubolta aðeins 19 ára gamall.

Tryggvi var lykilmaður í liði Þórs sem voru nýliðar í Dominos deildinni síðasta vetur. Liðið endaði í 8. sæti deildarinnar og komst í úrslitakeppnina. Tryggvi skoraði 11 stig og tók 8 fráköst að meðaltali síðasta vetur.

Tryggvi fetar í fótspor Jóns Arnórs Stefánssonar, eins besta körfuboltamanns í sögu Íslands, með því að skrifa undir samning hjá Valencia en Jón Arnór spilaði þar sitt síðasta ár í atvinnumennsku ásamt því að hafa spilað þar veturinn 2006-2007.

 

 

Sambíó

UMMÆLI

Sambíó