113 ábendingar við skipulagslýsingu við Spítalaveg og Tónatröð

113 ábendingar við skipulagslýsingu við Spítalaveg og Tónatröð

Skipulagslýsing vegna breytinga á skipulagi svæðis við Spítalaveg og Tónatröð hefur verið í kynningu frá 15. desember. Í síðustu viku, 12. janúar, rann út frestur til að senda inn ábendingar um skipulagslýsinguna. Samtals bárust 113 ábendingar við skipulagslýsinguna og eru þær af ýmsum toga. Þetta kemur fram á vef bæjarins.

„Skipulagslýsing er í raun lýsing á verkefninu og þar með fyrsta skref í skipulagsferlinu, þar sem fram koma upplýsingar um helstu áherslur og markmið, forsendur, umhverfismat og rannsóknir, samráð, kynningu og fleira. Fólk var hvatt til að koma á framfæri ábendingum, ýmist í gegnum sérstakt ábendingaform á heimasíðu bæjarins, netfang eða með bréfpósti,“ segir í tilkynningu bæjarins.

Þar segir að fyrirferðamestar sé ábendingar sem snúa að umfangi bygginga á svæðinu og áhrifum á ásýnd eldri byggðar, sem og ábendingar sem snúa að umferðarmálum, mögulegri skriðuhættu og stjórnsýslu bæjarins við ákvörðun um að fara í breytingu á skipulagi.

„Öllum þeim sem sendu inn ábendingu er þakkað kærlega fyrir þeirra framlag. Ábendingarnar verða hafðar til hliðsjónar við áframhaldandi vinnslu málsins ásamt athugasemdum frá umsagnaraðilum eins og Skipulagsstofnun, Minjastofnun, hverfisnefnd Brekku og Innbæjar, Norðurorku, Isavia og Veðurstofunni.“

Hér má sjá stöðuna í skipulagsferlinu. 

UMMÆLI