210 einstaklingar eru nú í sóttkví á Norðurlandi eystra og því hefur einstaklingum í sóttkví á svæðinu fjölgað um 16 frá tölum gærdagsins.
Staðfest smit vegna kórónuveirunnar á Norðurlandi eystra eru enn tvö samkvæmt upplýsingum á covid.is þar sem nýjustu tölur frá Embætti landlæknis og Almannavarnadeild ríkislögreglustjóra birtust klukkan 11.
Staðfest hafa verið smit á Akureyri og Grenivík. Þá lést ferðamaður sem var smitaður COVID-19 á Húsavík í vikunni en dánarorsök hefur ekki enn verið staðfest.
Á landinu öllu eru staðfest smit nú orðin 473.
Ef þú finnur fyrir einkennum eða óttast smit hringdu þá í 1700. Veikir einstaklingar eru sérstaklega beðnir um að mæta ekki á bráðamóttöku sjúkrahúsa eða á heilsugæslustöðvar nema að fengnum ráðleggingum í síma. Upplýsingar um veiruna og viðbrögð á vef Embættis Landlæknis.
UMMÆLI