Kristnesspítali
Miðvikudaginn 1. nóvember næstkomandi eru 90 ár liðin frá vígslu Kristneshælis en það var vígt þann dag árið 1927. Af þessu tilefni verður haldin afmælishátið að Kristnesi á miðvikudaginn sem hefst klukkan 13:00.
Í Kristnesi sem er í Eyjafjarðarsveit 10 km. sunnan Akureyrar eru endurhæfingardeild og öldrunarlækningadeild Sjúkrahússins á Akureyri. Þar er einnig útibú frá Hjálpartækjamiðstöð Sjúkratrygginga Íslands. Kristnesspítali var sem fyrr segir tekinn í notkun árið 1927 og þá sem berklahæli.
Áætlað er að dagskránni ljúki klukkan 14:45 en að henni lokinni verður boðið til kaffisamsætis.
Í stórum dráttum er dagskráin sem hér segir:
· Kl. 13:00-13:50 segja þau Brynjar Óttarsson og María
Pálsdóttir frá berklatímabilinu (1927-1970) og Pétur Halldórsson
fjallar um umhverfisáhrif í Kristnesi.
· Kl. 13:50-14:30 segir Ingvar Þóroddsson í stuttu máli
frá starfseminni á árunum 1970-1990 en svo ítarlegar eftir það
til dagsins í dag. Hann mun einnig horfa til framtíðar.
· Kl. 14:30 -14:45. Ávörp og afhending gjafa – en nú
þegar er vitað um margar veglegar gjafir sem stofnunin fær í
tilefni dagsins.
UMMÆLI