Akureyrarbær hefur samið við Advania um að hýsa og reka upplýsingakerfi bæjarins næstu fimm árin. Þetta kemur fram á vef Akureyrarbæjar þar sem segir:
„Samningurinn var gerður eftir örútboð Ríkiskaupa þar sem tilboð Advania varð fyrir valinu. Möguleiki er á að framlengja samninginn til þriggja ára. Advania varð einnig hlutskarpast í síðasta útboði um verkið og hefur því veitt Akureyrarbæ hýsingar- og rekstrarþjónustu síðan 2014. Nýi samningurinn felur Advania að hýsa áfram og reka öll miðlæg upplýsingakerfi Akureyrarbæjar. Fyrirtækið veitir einnig notendum upplýsingakerfanna þjónustu en þeir eru um 2.000 starfsmenn sveitarfélagsins.“
UMMÆLI