Amtsbókasafnið á Akureyri leitar nú eftir aðila eða aðilum til að annast rekstur á kaffihúsi á fyrstu hæð bókasafnsins í Brekkugötu 17. Kaffihúsið er sjálfstæð eining en jafnframt mikilvægur hluti af bókasafninu samkvæmt tilkynningu á vef Akureyrarbæjar.
Serena Pedrana hefur rekið kaffihúsið Orðakaffi í Amtsbókasafninu síðan árið 2016 en hún tilkynnti fyrr í sumar að hún myndi loka kaffihúsinu 29. júlí 2022.
Sjá einnig: Serena hættir með Orðakaffi
Útboðsgögn eru aðgengileg og verða afhent rafrænt á útboðsvef Akureyrarbæjar frá og með 24.08.2022 og skal tilboðum skilað rafrænt á útboðsvefnum fyrir kl. 13:00 14.09.2022.
Útboðsgögn eru aðgengileg hérna og afhendast sjálfvirkt á síðasta skrefinu.
Nánari upplýsingar um framkvæmd útboðsins eða útboðsgögn er hægt að fá með því að hafa samband í gegnum tölvupóstinn umsarekstur@akureyri.is. Nánari upplýsingar um starfsemina veitir Hólmkell Hreinsson forstöðumaður Amtsbókasafnsins holmkell@amtsbok.is og í síma 4601253 og 8626882
UMMÆLI