Akureyringurinn Aron Einar Gunnarsson, landsliðsfyrirliði karlaliðs Íslands í fótbolta, sendi skilaboð til þjóðarinnar á Twitter í dag og hvatti fólk til þess að reyna að halda í jákvæðnina.
Hertar aðgerðir vegna þróunar Covid-19 faraldursins voru kynntar í morgun. Samkomutarkmarkanir voru lækkaðar niður í 100 manns og þá mun tveggja metra reglan taka aftur gildi. Frá hádegi á morgun verða þessar reglur teknar í gildi.
Margir hafa lýst yfir vonbrigðum með það að faraldurinn sé kominn aftur á skrið en Aron hvetur fólk til þess að vera jákvætt og treysta Covid teyminu.
„Höldum áfram að vera jákvæð, drepum þetta í fæðingu og treystum fólkinu sem kom okkur útúr þessu síðast er það ekki?“ skrifar Aron á Twitter síðu sinni í dag.
UMMÆLI