fbpx

Aron Einar og Kristbjörg hefja sölu á snyrtivörum

Aron Einar og Kristbjörg hefja sölu á snyrtivörum

Hjónin Aron Einar, fyrrum landsliðsfyrirliði Íslands í fótbolta, og Kristbjörg Jónasdóttir hefja sölu á nýjum snyrtivörum þann 13. desember næstkomandi. Snyrtivörulínan ber nafnið AK Pure Skin, en AK er skammstöfun fyrir Aron og Kristbjörg. Hugmyndin kviknaði fyrir um þremur árum síðan þegar Kristbjörg gekk með yngri dreng þeirra hjóna og leiddi hugann að litlu framboði af húðvörum sem eru laus við ýmis bannefni.

„Ég hef alltaf haft mikinn áhuga á húðumhirðu og fór að leiða hugann enn meira að henni þegar ég var ólétt að yngri stráknum okkar, þar sem mikil umræða var í gangi um hvað má og hvað má ekki nota þegar maður er óléttur ásamt því að það er oft verið að tala um þessi bannefni eins og þegar talað er um FREE of paraben, PEG-efni og svo framvegis.
Það sem okkur fannst mikilvægast að setja fókusinn á var rakinn. Húðin er okkar stærsta líffæri og til að hún sé frískleg og heilbrigð þá er alveg jafn mikilvægt að gefa henni raka eins og líkamanum sjálfum.“ Segir Kristbjörg í viðtali við Fréttablaðið.

Vörurnar verða framleiddar á Grenivík

„Þetta er allt annað en ég hef vanið mig á að gera svo fyrir mig er mjög gaman að fá að taka þátt í einhverju sem maður hafði ekki hundsvit á áður. Ég hafði fram til þessa ekki notað mikið af húðvörum og minnist þess þegar ég var í förðunarstólnum fyrir sjónvarpsviðtal, að það fyrsta sem ég heyrði var alltaf að ég væri með svo þurra húð. Þess ber að geta að ég hef ekki fengið þær athugasemdir eftir að við fórum á fullt í að prófa okkur áfram í þessu. Ég var satt að segja hálfgert tilraunadýr í öllu ferlinu.“ segir Aron í viðtalinu við Fréttablaðið.

UMMÆLI