Það kemur engum á óvart að enn og aftur stefnir í að besta veður landsins verði á Norðurlandi ef marka má veðurspánna. Heilt yfir stefnir í sólarlitla en hlýja verslunarmannahelgi á landinu. Besta veðrið verður á sunnudaginn en þá er einmitt stærsti viðburður verslunarmannahelgarinnar, Sparitónleikarnir á Samkomuhúsflötinni.
Fréttablaðið greinir frá að veðurspáin sé þokkaleg en þó síst á föstudeginum. Þorsteinn V. Jónsson, veðurfræðingur hjá Veðurstofu Íslands, segir í samtali við Fréttablaðið að sunnan- og vestanlands rigni í dag en þó verði ekki mjög hvasst. Á laugardaginn verði hins vegar hægur vindur, hlýtt og þurrt.
Á Norðurlandi er spáð hátt í 20 stiga hita á sunnudaginn. Þá verður einnig hlýtt til að byrja með annarsstaðar á landinu en svo fer að hvessa í Vestmannaeyjum og rigna á Suðurlandinu.
Sjá einnig:
Ein með öllu – Yfir 70 tónlistaratriði á dagskrá helgarinnar og tvö tívolí
UMMÆLI