Michael Jón Clarke, tónlistarmaður og tónlistarkennari á Akureyri, vinnur nú að því að koma kjallaraíbúð sem hann á í stand til að bjóða úkraínsku flóttafólki að búa í. Þetta kemur fram í Fréttablaðinu í dag.
Michael hefur biðlað til stjórnvalda að skipuleggja leiðir til þess að hýsa flóttafólk frá Úkraínu. „Það fer svo rosalega fyrir brjóstið á mér að geta ekki gert neitt. Ég sé myndir af krökkum á flótta, labbandi með einn bangsa. Ég verð að gera eitthvað,“ segir Michael í Fréttablaðinu.
Hann segir að það sé fullt af ónotuðu húsnæði um allt á Íslandi og það sé mikilvægt að bjóða flóttafólki upp á hjálp og vináttu. Í slíkum húsnæðum geti það verið innan um annað fólk og komist til að mynda auðveldlega í búðir.
UMMÆLI