KA vann frábæran sigur á Grindavík í síðustu viku. 2-1 urðu lokatölur leiksins en Ýmir Már Geirsson tryggði KA mönnum sigurinn á lokamínútum leiksins.
Sigurinn hefði getað verið stærri en KA menn skoruðu mark í upphafi síðari hálfleiks og fögnuðu vel. Af einhverjum ástæðum fann dómari leiksins sig knúinn til þess að dæma markið af en erfitt er að átta sig á því hvers vegna. Nú hefur Gunnar Jarl Jónsson sérfræðingur Pepsi-markanna sem sex sinnum á átta árum í Pepsi-deildinni var kjörinn besti dómarinn af leikmönnum útskýrt málið.
Sjá einnig: Ótrúlegt atvik í leik KA og Grindavíkur: Mark dæmt af KA af engri ástæðu?
Gunnar Jarl útskýrði loks hvað gerðist og bendir á að það er hárrétt að Elfar Árni Aðalsteinsson er rangstæður þegar að hann hindrar för Grindvíkingsins Gunnars Þorsteinssonar að marki sínu. En, það á margt eftir að gerast áður en að KA skorar.
Umræðuna úr Pepsi-mörkunum má sjá í spilaranum hérna fyrir neðan
UMMÆLI