Prenthaus

Hnyttnir Akureyringar rústa íslenskri pólitík í ferskeytlum

Kosningakaffið er nýr liður á Kaffinu þar sem birtar eru fréttir, pistlar, viðtöl og allt sem tengist komandi kosningum.

Það er af nægu að taka í íslenskri pólitík í dag og margir tekið upp á því að gera gys að ástandinu. Það voru tveir hnyttnir Akureyringar sem fóru að yrkja á víxl á facebook-þræði um helgina og Kaffinu fannst það knúið til að birta vísuna sem úr varð. Höfundarnir hentu í ferskeytlurnar á nokkrum mínútum og voru því ekki að einbeita sér að hefðbundnum bragfræðireglum en útkoman er þó mjög skemmtileg.

10 fúlir framsóknarmenn,
klipptu á naflastrenginn.
Flokkurinn hann finnst víst enn,
en í honum er enginn…

9 spilltir sjallafírar,
sækjast eftir frama.
Gleymdir allir pappírar,
geymdir í Panama…

8 særðir krata drengir,
sólgnir eru í bitling.
Logi sér í stólinn slengir,
með teiknaðan tittling.

7 sósíalista-lingar,
ei listann ná ađ klára.
Klárir ekk’í kosningar,
međ kónginn Gunnar Smára.

6 vinir Simma svekkta,
þyrftu eitthvað gott krem.
Það er eina leiðin þekkta,
til að losna við exem.

5 vinstri græningjar,
vinna bakviđ tjöldin.
Því annars hægri „ræningjar“,
endurheimta völdin.

4 voru í föllnum flokki,
sem framtíð vildi Bjarta.
Ef Óttarr snéri sér aftur að rokki,
engin myndi kvarta.

3 fyrrum ráđherrar,
í stjórn þar sátu þeir.
Einn sagđi, „þiđ eruđ perrar“,
nú eftir voru tveir.

2 Píratar að pæl’í,
pólitísku þrasi.
Þurftu að finna fötu að æl’í,
alveg fökkd af „grasi“.

1 forsætisráđherra,
„ekkert“ viss um ađ
pabb“ans styddi perra
og semdi bréf um þađ.

Enginn eftir í þingsalnum,
er þeirra þörf í raun?
Verst að þeir sem lágu í valnum,
fá spikfeit eftirlaun.

 

UMMÆLI

Sambíó