Það var rosaleg stemning í KA-heimilinu á Akureyri í kvöld þegar KA og Akureyri mættust í nágrannaslag í fyrstu umferð Olís deildar karla í handbolta.
KA menn byrjuðu leikinn betur og leiddu nánast allan fyrri hálfleikinn. Staðan var 13-9 þegar Leonid Mykhailiutenko leikmaður Akureyrar fékk beint rautt spjald fyrir brot á Heimi Árnasyni.
KA leiddi 16-11 í hálfleik. Akureyringar komu sterkari til leiks í síðari hálfleik en KA menn héldu forskotinu. Á 46. mínútu tók við ótrúleg atburðarrás en á 8 mínútna kafla náðu Akureyringar að jafna í 25-25 úr stöðunni 23-17.
Lokamínútur leiksins voru æsispennandi. Þegar ein mínúta var eftir af leiknum var staðan 27-27. Brynjar Hólm Grétarsson, leikmaður Akureyrar fékk þá dæmda á sig línu og í kjölfarið 2. mínútna brottvísun.
UMMÆLI