fbpx

Mál Björns Braga til skoðunar hjá lögreglunni á Norðurlandi eystra

Mál Björns Braga til skoðunar hjá lögreglunni á Norðurlandi eystra

Lögreglan á Norðurlandi eystra hefur staðfest að mál Björns Braga sé komið í skoðun hjá embættinu. Það er DV.is sem greinir frá þessu en eins og fjölmiðlar hafa sagt frá í dag þá hefur Björn Bragi viðurkennt að hafa áreitt 17 ára stúlku á Akureyri um helgina. 

Björn Bragi sendi í nótt frá sér yfirlýsingu vegna myndbands sem fór í dreifingu á samfélagsmiðlum af honum þar sem hann áreitir 17 ára stelpu kynferðislega. Brot Björns Braga getur samkvæmt lögum varðað allt að 2 ára fangelsi, að því er fram kemur í umfjöllun Stundarinnar í dag.

Björn Bragi játaði að hafa snert stúlkuna á ósæmilegan hátt og baðst afsökunar í yfirlýsingu á Facebook síðu sinni í nótt. Í umfjöllun Stundarinnar kemur fram að slík snerting geti varðað allt að tveimur árum í fangelsi hvort sem hún sé innan eða utan klæða.

Samkvæmt 199. grein almennra hegningarlaga er refsingin fyrir þann sem gerist sekur um kynferðislega áreitni allt að 2 ár í fangelsi. Kynferðislegri áreitni felst meðal annars í því að strjúka, þukla eða káfa á kynfærum eða brjóstum annars manns innan klæða sem utan.

Við heyrðum af þessu fyrst í hádeginu í dag og við höfum ekki sest yfir þetta enn þá en ég reikna fastlega með því að við munum fara yfir málið og ræða við þá aðila sem tengjast málinu. Nú þegar þetta er komið í okkar vitneskju þá þurfum við bara að setjast yfir þetta og hafa samband við hlutaðeigandi, þannig eru þessi mál unnin,“ sagði Bergur Jónsson, aðstoðaryfirlögregluþjónn hjá rannsóknardeild Lögreglunnar á Norðurlandi eystra í samtali við DV.

UMMÆLI