Minnir á það jákvæða sem núverandi bæjarstjórn Akureyrar hefur gert

Minnir á það jákvæða sem núverandi bæjarstjórn Akureyrar hefur gert

Bæjarstjórn Akureyrarbæjar hefur verið mikið í umræðunni undanfarna daga. Aðallega eftir að sú ákvörðun var tekin að banna lausagöngu katta í bænum árið 2025. Bæjarstjórnin hefur einnig verið gagnrýnd opinberlega á undanförnum vikum fyrir metnaðarleysi í uppbyggingu íþróttamannvirkja í bænum.

Hilda Jana Gísladóttir, bæjarfulltrúi Samfylkingarinnar og ein af fjórum bæjarfulltrúm sem var á móti banni á lausagöngu katta, hefur orðið vör við gagnrýni á störf bæjarstjórnarinnar og ákvað að taka saman lista yfir það sem núverandi bæjarstjórn hefur gert og hún telur að einhver gæti verið ánægður með.

Hilda Jana nefnir að:

• búið sé að byggja nýjan leikskóla og tekin séu inn 6 mánuðum yngri börn en áður

• frístundaávísunin hafi hækkað í 40 þúsund

• byggð hafi verið húsnæði fyrir heimilislausa

• farið hafi verið í endurbætur á Glerárskóla og Lundarskóla

• gerður hafi verið nýr göngu- og reiðstígur yfir Eyjafjarðará

• Akureyrarbær í samstarfi við ríkið hafi staðið að opnun Kvennathvarfs, Bjarmahlíð miðstöðvar fyrir þolendur ofbeldis og Barnahús

• búið sé að byggja aðstöðu fyrir siglingarklúbbinn Nökkva

• byggðir hafi verið þjónustukjarnar fyrir fatlað fólk

• undirbúningur sé hafinn við að bæta aðstöðuna í Skautahöllinni

• tekjumörk á afslætti fasteignaskatts til elli- og örorkulífeyris hafi hækkað

• skimað sé markvisst fyrir ofbeldi

• sett hafi verið fram aðgerðaráætlun gegn kynbundu ofbeldi og ofbeldi gegn börnum

• Akureyrarbær hafi hlotið viðurkenningu jafnvægisvogarinnar

• hverfisnefndir í Grímsey og Hrísey hafi fengið sérstakt fjármagn til uppbyggingar

• verið sé að vinna að stígagerð í Glerárdal

• barnamenningarhátíð hafi verið sett á laggirnar

• nú séu veittir styrkir til ungra og efnilegra listamanna

• tekin hafi verið í gagnið ný skólphreinsistöð

• þriðji metan strætisvagninn hafi verið tekinn í notkun

• verið sé að gróðursetja plöntur í Græna trefilinn

• verið sé að vinna að rafvæðingu hafna

• verið sé að auka upplýsingagjöf til bæjarbúa

• 1000 sumarstörf hafi verið í boði hjá bænum í covid ástandinu í fyrra

•farið hafi verið í markaðsátak á innanlandsmarkaði

• vinna sé í gangi við nýtt stígaskipulag þar sem gangandi og hjólandi fá aukna hlutdeild

• margra ára barátta við ríkið sé að skila nýju flughlað og flugstöð, legudeild við sjúkrahúsið á Akureyri og tveimur heilsugæslustöðvum

• NPA samningar hafi verið innleiddir

• farið hafi verið í aðgerðir gegn svifryksmengun

• verið sé að fara í endurbætur á Torfunefsbryggjunni

• tvö ný hverfi séu í uppbyggingu

• Akureyrarbær hafi verið viðurkennt sem fyrsta barnvæna sveitarfélags landsins

• bærinn styrki kaup á nýjum snjótroðara í Kjarnaskógi

• gerðir hafi verið nýir þjónustusamningar við íþróttafélög

• hjólabraut hafi verið sett upp við Oddeyrarskóla

• leiktæki hafi verið sett við göngugötuna

• farið hafi verið í endurnýjun gervigrasa við grunnskóla

• gerð hafi verið metnaðarfull menntastefna og aðgerðaráætlun

• verið sé að ljóleiðaravæða Hrísey

• uppbygging sé að hefjast á vistvænum miðbæ

• til standi að fara í gagngerar endurbætur á Tryggvabraut

• farið hafi verið í endurnýjun umferðarljósa til að auka öryggi

• aðgengi fatlaðra í Sundlaug Akureyrar hafi verið bætt

• farið hafi verið í endurbætur á búningsklefum í Sundlaug Akureyrar

• endurnýjaðir hafi verið samstarfssamningar við Aflið

• aukinn hafi verið stuðningur við SinfóníuNord vegna upptöku á kvikmyndatónlist

• farið hafi verið í tilrauna- og átaksverkefni um aukna nýtingu á Moltu

• Akureyrarbær hafi farið í samstarf við Súlur vertical

• barist sé gegn óæskilegum gróðri

• áhersla hafi verið lögð á stafrænar lausnir

• götur í Hrísey hafi verið malbikaðar

• uppbygging sé hafin við Austurbrú

• Akureyrarbær taki þátt í samræmdri þjónusta við móttöku flóttafólks

Sambíó

UMMÆLI

Sambíó