Norðlenska Greifamótið haldið í fyrsta sinn

Það verður boðið upp á handboltaveislu á Akureyri um helgina þegar Norðlenska Greifamótið fer fram í KA-heimilinu og Íþróttahöllinni. Bæði verður leikið í karla- og kvennaflokki.

Hjá körlunum keppa sex lið um titilinn. Ásamt Akureyri og KA munu Grótta, ÍR, Stjarnan og HK leika. Í kvennaflokki mæta KA/Þór með tvö lið til leiks og þá munu ÍR og Afturelding keppa.

„Þetta er úrvalstækifæri til að koma sér í handboltagírinn enda mjög spennandi og skemmtilegt tímabil framundan þar sem öll liðin fyrir norðan munu leika í efstu deild. Það er frítt inn á alla leiki í mótinu og því ekki spurning um að mæta og fylgjast með undirbúning liðanna,” segir í tilkynningu á heimasíðu KA.

KA-TV mun sýna frá öllum leikjum í KA-heimilinu. Hér að neðan má sjá dagskrá helgarinnar af KA.is