Sundkonan Ragnheiður Runólfsdóttir hefur verið ráðin sem yfirþjálfari hjá einu stærsta sundfélagi Svíþjóðar. Það er blaðamaðurinn Skapti Hallgrímsson á Akureyri sem greinir frá þessu á Facebook síðu sinni.
Félagið heitir SO2 og er staðsett í Gautaborg. Ragnheiður hefur verið yfirþjálfari hjá sundfélaginu Óðni á Akureyri undanfarin átta ár.
Hún er nú stödd í Svíþjóð þar sem hún er með SO2 á sænska unglingameistaramótinu. Hún tekur formlega við starfinu þann 1. ágúst.
Ragnheiður var á meðal bestu sundkvenna heims á sínum tíma en hún var valin íþróttamaður ársins á Íslandi árið 1991.
UMMÆLI