Hríseyjahátíðinni lauk á sunnudag. Rétt rúmlega þúsund manns sóttu Hrísey heim á þessum dögum og segja má að íbúafjöldinn hafi áttfaldast um helgina.
Fjölbreytt dagskrá var á hátíðinni. Í félagsheimilinu Sæborg var skemmtidagskrá alla helgina, heima í görðum Hríseyinga var boðið upp á garðakaffi þá var haldið rabarbarafestival og klukkustrengjasýning, óvissuferðir, ratleikur og tónleikar.
Hápunktur hátíðarinnar var á laugardeginum þegar boðið var upp á dagskrá í dásemdarblíðu og sól á hátíðarsvæðinu með tónlist og viðburðum á sviði, kaffisölu, hópakstri traktora, kvöldvöku, varðeldi og síðan dansað fram á nótt.
Á vef Akureyrarbæjar má sjá myndir sem að María Helena Tryggvadóttir tók á hátíðinni.
UMMÆLI