Knattspyrnukonan Sandra María Jessen sem spilar með Þór/KA er í lokahópi A-landsliðs Íslands fyrir Evrópumeistaramótið í fótbolta í næsta mánuði. Sandra sem hefur leikið 53 landsleiki var einnig í íslenska hópnum á EM í Hollandi árið 2017.
Áður en Sandra heldur til móts við landsliðið mun hún spila tvo leiki með Þór/KA í Bestu deildinni gegn Breiðabliki 16. júní og Víkingi 21. júní. Eftir það verður gert hlé á Bestu deildinni.
Ísland er í riðli með Sviss, Noregi og Finnlandi. Leikir Íslands í riðlakeppninni verða 2., 6. og 10. júlí. Fyrir mótið mætir Ísland Serbíu í æfingaleik.
UMMÆLI