Sjáðu stikluna fyrir nýja mynd Baldvins Z

Sjáðu stikluna fyrir nýja mynd Baldvins Z

Baldvin Z leikstýrir myndinni Lof mér að falla en hann skrifar einnig handrit myndarinnar ásamt Birgi Erni Steinarssyni.

Myndin segir frá hinni fimmtán ára gömlu Magneu en líf hennar umturnast þegar hún kynnist hinni átján ára gömlu Stellu. Magnea laðast að hispurslausu lífi Stelli og þróar með sér sterkar tilfinningar til hennar sem Stella notfærir sér til eigin hagsbóta. Stella leiðir Magneu inn í heim fíkniefna sem hefur alvarlegar afleiðingar fyrir þær báðar. Tólf árum síðar liggja leiðir þeirra svo óvænt saman á ný.

Sjá einnig: 7 ástæður af hverju Akureyringar eru betri en allir aðrir

Baldvin Z og Birgir Ernir störfuðu einnig saman þegar þeir skrifuðu saman handrit myndarinnar Vonarstrætis. Sú mynd sópaði til sín tólf verðlaunum á Edduverðlaunahátíðinni árið 2015 og tæplega 48 þúsund manns sáu myndina í kvikmyndahúsum hér á landi.

Elín Sif Halldórsdóttir og Eyrún Björk Jakobsdóttir fara með aðalhlutverki í myndinni Lof mér að falla en leikarinn Þorsteinn Bachman fer einnig með stórt hlutverk. Í myndinni leika einnig Sturla Atlason, Edda Björgvinsdóttir, Ólafur Darri Ólafsson og Halldór Halldórsson.

Lof mér að falla verður frumsýnd hér á landi 7. september næstkomandi.

UMMÆLI