Fjallahlaupið Súlur Vertical fer fram á Akureyri á laugardaginn. Keppendur í hlaupinu geta valið um að hlaupa 55, 28 eða 18 kílómetra.
Fyrirkomulag hlaupsins og dagskrá breytist örlítið í ljósi þróunnar Covid-19 faraldursins á Íslandi undanfarna daga.
Ekki verður boðið upp á rútuferðir fyrir keppendur frá Hofi í Kjarnaskóg á laugardagsmorgun eins og stefnt hafði verið að. Sömuleiðis hefur verið ákveðið að aflýsa lokahófi sem átti að fara fram á laugardagskvöld.
Með þessu vilja skipuleggjendur axla ábyrgð, draga úr hópamyndun og tryggja öryggi keppenda og starfsfólks.
Ræst verður í nokkrum hópum og tryggt að fjöldi á einstökum stöðum verði aldrei nálægt 500 manns.
Hér að neðan má sjá leiðina sem hlaupin er í 55 kílómetra hlaupinu.
UMMÆLI