Breska ferðaskrifstofan Super Break mun halda áfram að fljúga til Akureyrar næsta vetur. Breytingar verða gerðar á skipulaginu og er áætlað að fyrstu ferðirnar verði farnar í byrjun febrúar 2020 og að flogið verði hingað fram í apríl. Þetta kemur fram í tilkynningu frá Markaðsstofu Norðurlands.
Chris Hagan, sem hefur yfirumsjón með verkefninu hjá Super Break, segir að 14 ferðir verði settar í sölu til að byrja með frá mikilvægustu héraðsflugvöllunum í Bretlandi. Vonir standa til þess að hægt verði að bæta fleiri ferðum við.
Alls voru 29 ferðir til Akureyrar í vetur á vegum Super Break og farþegarnir um 4.500 talsins.
UMMÆLI