Intersand MaxCare 12 kg | Gæludýr.is

Tæplega 98 milljónum króna varið í frístundastyrki AkureyrarbæjarMynd: Akureyri.is/Ragnar Hólm

Tæplega 98 milljónum króna varið í frístundastyrki Akureyrarbæjar

2.602 börn og unglingar á aldrinum 6-17 ára nutu góðs af frístundastyrk Akureyrarbæjar árið 2021 eða um 79% þeirra sem áttu rétt á styrknum. Frístundastyrkur Akureyrarbæjar nam 40.000 krónum á hvern iðkanda árið 2021. Í heildina var tæplega 98 milljónum króna varið í frístundastyrki í 3.554 skráningum sem jafngildir styrk upp á 37.618 krónur að meðaltali á hvern iðkanda. Þetta kemur fram á vef bæjarins.

„Skráningum árið 2021 fækkaði eilítið frá árinu 2020. Þótt ómögulegt sé að fullyrða um ástæður þess má leiða líkur að því að heimsfaraldur og samkomutakmarkanir hafi haft sitt að segja. Kynjahlutfall skráninga var hér um bil jafnt, 50,4% drengir og 49,6% stúlkur. Flestar skráningar voru hjá íþróttafélaginu Þór og Knattspyrnufélagi Akureyrar. Samstarfsaðilar (íþrótta-, æskulýðs og tómstundafélög auk fyrirtækja) sem tóku við frístundastyrk 2021 voru samtals 41 talsins. Markmið með frístundastyrk Akureyrarbæjar er að styrkja börn og unglinga til þátttöku í uppbyggilegu frístundastarfi og auka möguleika til þátttöku óháð efnahag. Einnig að ýta undir aukna hreyfingu, virkni og félagsþátttöku sem og að vinna gegn óæskilegu brottfalli í eldri aldurshópum iðkenda,“ segir í tilkynningu bæjarins.

Hér eru nánari upplýsingar um frístundastyrk Akureyrarbæjar.

Sambíó

UMMÆLI

Sambíó