fbpx

Tvær konur rændu Hjálpræðisherinn við Hrísalund

Höfuðstöðvar Hjálpræðishersins á Akureyri eru að Hvannavöllum 10.

Tvær konur játa að hafa stolið miklu magni af ýmiskonar fatnaði úr fatasöfnunarkassa hjá Hertex, fata- og nytjamarkaði á vegum Hjálpræðishersins, sem stendur jafnan við Hrísalund 1 B á Akureyri.

Málið var tekið fyrir í Héraðsdómi Norðurlands þann 7.febrúar síðastliðinn og játuðu konurnar brot sín skýlaust. Brotið átti sér stað í október á síðasta ári og náðist verknaðurinn á eftirlitsmyndavélar.

Konurnar tvær hafa skilað þýfinu til Hjálpræðishersins en ekki var hægt að meta verðmæti þýfisins. Af þeim sökum var ákvörðun um refsingu frestað og mun hún verða felld niður, takist konunum að halda skilorði í eitt ár.

Málskostnaður var 210.800 krónur og greiðist hann úr ríkissjóði.

Smelltu hér til að lesa dóminn í heild sinni.

UMMÆLI