fbpx

Ungt tónlistarfólk blæs til tónleika í Hofi milli jóla og nýárs


Ungt og efnilegt tónlistarfólk á Norðurlandi hefur tekið sig saman og koma til með að halda tónleika í Menningarhúsinu Hofi milli jóla og nýárs undir yfirskriftinni Vetrarkvöld. Þar verður þemað hugljúfir og fallegir vetrartónar í kaffihúsastemmingu þar sem setið verður við borð og barinn opinn.

Þau verða alls níu talsins sem k0ma fram á tónleikunum, syngja og spila á mismunandi hljóðfæri. Einnig verður gríndúettinn Vandræðaskáld sérstakur gestur á tónleikunum og skemmta áhorfendum með söng og sögum.

Flytjendur verða þau:
Jónína Björt Gunnarsdóttir – Söngur

Katrín Mist Haraldsdóttir – Söngur

Silja Garðarsdóttir – Söngur

Gunnar Björn Jónsson – Söngur

Ármann Einarsson – Gítar

Hjörvar Óli Sigurðsson – Bassi

Hjörtur Snær Jónsson – Trommur

Guðjón Jónsson – Píanó

Aldís Bergsveinsdóttir – Fiðla

Þær Katrín Mist og Jónína Björt birtu myndband í dag þar sem þær taka lagið Sanctuary í virkilega fallegum flutningi en Katrín er menntuð leikkona og Jónína Björt menntuð söng- og leikkona.

Nánar um viðburðinn og miðasölu inn á heimasíðu Mak hér. 

UMMÆLI