KA og N1 hafa haldið N1 mótið fyrir 5. flokk drengja frá árinu 1987 og hefur mótið vaxið og dafnað ár frá ári og er nú eitt allra stærsta íþróttamót landsins. Á dögunum var ákveðið að einnig myndu KA og N1 halda fyrsta N1 mótið fyrir 6. flokk stúlkna. Myndbandið hér að neðan gerði Tjörvi Jónsson að móti loknu.
Á vef KA segir, „Mikið var lagt í mótið til að hafa sömu umgjörð hjá stelpunum og hefur byggst upp hjá strákunum og erum við í skýjunum með móttökurnar og hve skemmtileg stemning ríkti á svæðinu. Alls léku rúmlega 500 stelpur á mótinu í 84 liðum en leikið var frá föstudeginum 8. ágúst til sunnudagsins 10. ágúst.“
Áætlanir eru þegar komnar á veg um að halda mótið aftur að ári en hægt er að sjá liðsmyndir frá mótinu í ár HÉR, í boði KA og Pedrómynda.
COMMENTS