Ásta og Gosi spila í Deiglunni

Ásta og Gosi leiða saman tónelska hesta sína og halda á tónleikaferðalag um landið í febrúar og mars 2026 og koma fram í Deiglunni á Akureyri þann 28. febrúar klukkan 20:00.

Á tónleikunum flytja þau lög af nýjustu breiðskífum sínum, Blokkarbarn og Á floti, ásamt eldra efni. Þetta verður kvöld þar sem tvær ólíkar raddir mætast á sama sviði og lögin fá að njóta sín í nánum og lifandi flutningi.

Ásta og Gosi búa bæði á Ísafirði og hafa verk þeirra hlotið ýmsar viðurkenningar, meðal annars Íslensku tónlistarverðlaunin og Kraumsverðlaunin.