Knattspyrnudeild Þórs og Ágúst Eðvald Hlynsson hafa gert með sér samkomulag um að Ágúst gangi til liðs við Þórs um áramótin og mun Ágúst því snúa aftur í Þorpið eftir fjórtán ára fjarveru. Þetta kemur fram á vef Þórs.
Ágúst, sem er fæddur árið 2000 á Akureyri, kemur til Þórs frá Vestra þar sem hann varð bikarmeistari í sumar en Ágúst hefur einnig leikið með Breiðablik, Víking, FH og Val í efstu deild hér á landi. Sömuleiðis hefur hann leikið erlendis með unglingaliðum Norwich og Brøndby 2017-2019 og með Horsens og AB í Danmörku ásamt því á Ágúst 35 landsleiki að baki fyrir yngri landslið Íslands og hefur skorað 5 mörk í þeim leikjum.
COMMENTS