RÚV greindi nýverið frá því að Guðbjörg Hildur Kolbeins, brautarstjóri fjölmiðlafræði við Háskólann á Akureyri, gagnrýni ákvörðun stjórnvalda um að beina fjárstyrkjum til náms í blaðamennsku eingöngu til Háskóla Íslands. Hún segir það koma á óvart að verið sé að hygla einum skóla umfram aðra, sérstaklega þar sem Háskólinn á Akureyri hafi lengi boðið upp á einu grunnnámsleiðina í fjölmiðlafræði hérlendis og brautskráð marga af fremstu fjölmiðlamönnum landsins.
Guðbjörg bendir á að á sama tíma og stjórnvöld kynni aðgerðir til að styrkja fjölmiðla á landsbyggðinni, sé fjölmiðlanám utan borgarinnar hundsað. Hún telur þessa forgangsröðun ekki fallna til að auka samvinnu milli háskólanna og segir ef til vill ástæðu til að óska eftir formlegum skýringum á því hvers vegna Háskóli Íslands sé tekinn út fyrir sviga í þessum efnum.
COMMENTS