Prenthaus

Nýjar lóðir í Móahverfi kynntar verktökumMynd: Akureyri.is/Ragnar Hólm Ragnarsson

Nýjar lóðir í Móahverfi kynntar verktökum

Síðastliðinn fimmtudag, 16. mars, var haldinn sérstakur kynningarfundur fyrir verktaka á lausum lóðum í 1. áfanga Móahverfis. Rétt innan við 20 manns sóttu fundinn í Ráðhúsi Akureyrarbæjar og annar eins fjöldi fylgdist með í gegnum fjarfundarbúnað. Þetta kemur fram á vef bæjarins.

Á fundinum fjallaði skipulagsfulltrúi bæjarins, Pétur Ingi Haraldsson, um forsendur úthlutunar lóða, hvernig úthlutunarferlið gengur fyrir sig og hvaða lóðir er um að ræða í þessum 1. áfanga. Hæsta boði í byggingarrétt á tilgreindum lóðum verður tekið.

Töluverður fjöldi fyrirspurna um lóðaúthlutun til verktaka í þessu nýja hverfi hefur nú þegar borist skipulagsdeild Akureyrarbæjar og sýndu fundarmenn mikinn áhuga á því fyrirkomulagi sem verður viðhaft. Opið er fyrir tilboð í umræddar lóðir til hádegis fimmtudaginn 30. mars og klukkan 14 þann sama dag verða tilboðin opnuð.

Nánari upplýsingar um 1. áfanga Móahverfis og þær lóðir sem um ræðir.

Sambíó

UMMÆLI

Sambíó