Sigurður og Bryndís styrkja Rauða krossinn

Hjónin Sigurður Ringsted og Bryndís Kristjánsdóttir hafa fært Rauða krossinum við Eyjafjörð 226.700 króna styrk. Afhendingin fór fram á árlegu jólaboði sjálfboðaliða og starfsfólks deildarinnar þann 10. desember.

Upphæðin safnaðist með sölu á dagatölum sem hjónin létu útbúa sem eru skreytt fuglamyndum eftir Sigurð. Alls seldust 150 dagatöl á tveimur vikum.

Ingibjörg Halldórsdóttir, deildarstjóri Rauða krossins við Eyjafjörð, veitti gjöfinni viðtöku og mun framlagið renna til mannúðarstarfs deildarinnar.