Sundfélagið Óðinn tvöfaldur bikarmeistari í 2. deild

Sundfélagið Óðinn náði glæsilegum árangri í bikarkeppni Sundsambands Íslands sem fram fór í Vatnaveröld í Reykjanesbæ laugardaginn 26. september. Bæði karla- og kvennalið félagsins stóðu uppi sem sigurvegarar í 2. deild og tryggðu Óðni þar með tvo bikarmeistaratitla. Greint er frá á vef Óðins.
Kvennalið Óðins sigraði með 133 stig og karlaliðið með 154 stig. „Um er að ræða frábæran árangur hjá sundfólki félagsins sem sýndi mikla baráttu og liðsheild í keppninni,“ segir í tilkynningu Óðins.
Kvennalið Óðins
- Friðrika Sif Ágústsdóttir
- Viktoría Rós Guseva
- Katrín Birta Birkisdóttir
- Lovísa Austfjörð
- Ísabella Jóhannsdóttir
Karlalið Óðins
- Ívan Elí Ólafsson
- Jón Ingi Einarsson
- Benedikt Már Þorvaldsson
- Magni Rafn Ragnarsson
- Alexander Reid McCormick
- Lárus Högni Gunnarsson
Þjálfari liðanna var Ragnheiður Runólfsdóttir.
„Sundfélagið Óðinn óskar öllu sundfólkinu og þjálfara innilega til hamingju með frábæran árangur. Þessir tveir bikarmeistaratitlar eru félaginu mikil gleðitíðindi og góð viðurkenning fyrir þá vinnu sem lögð er í æfingar og keppni. Áfram Óðinn,“ segir í tilkynningunni.
Tengdar greinar
Uppfært: 10. nóvember 2026










