Vinna við breytingar á umferðarljósum hefst í dag

Í dag hefst vinna við breytingar á nokkrum umferðarljósum á Akureyri. Umfangsmestu breytingarnar verða á gatnamótum Glerárgötu og Strandgötu, Þingvallastrætis og Dalsbrautar, við gangbraut yfir Dalsbraut gegnt Lundarskóla og við Hrísalund. Auk þess verða gerðar minni háttar breytingar og stillingar á öðrum umferðarljósum í bænum. Þetta kemur fram á vef Akureyrarbæjar þar sem vegfarendur eru beðnir um að sýna aðgát á meðan á framkvæmdum stendur.
Gangbrautarljós á Dalsbraut við Lundarskóla munu því framvegis vera hnappastýrð, þar sem vegfarendur þurfa að ýta á hnapp til að fá grænt ljós. Skólinn mun upplýsa nemendur um breytinguna.
Vegna framkvæmdanna má búast við að umferðarljós verði óvirk í nokkrar klukkustundir á mótum Glerárgötu/Strandgötu annars vegar og Þingvallastrætis/Dalsbrautar hins vegar.
Tengdar greinar
Uppfært: 16. nóvember 2026










