Íbúar Grenilundar tóku þátt í alþjóðlegu hjólakeppninni Road Worlds for Seniors sem fram fór í október. Keppnin er árleg og tengir saman hjúkrunarheimili og þjónustumiðstöðvar víðs vegar um heiminn með því markmiði að hvetja eldri borgara til hreyfingar, samkeppni og samveru.
„Árangurinn í ár var frábær íbúar Grenilundar hjóluðu samanlagt 1.993 kílómetra á keppnistímabilinu! Þetta er stórglæsilegt afrek og endurspeglar mikinn áhuga, dugnað og samheldni okkar fólks hér á heimilinu,“ segir á vef Grenivíkur.
Grenilundur var meðal 268 liða frá 13 löndum og endaði í 34. Sæti í liðakeppninni þar sem heildarfjöldi þátttakenda var 7.802. Öflugusti keppendi liðs Grenilundar hjólaði heila 1.177 kílómetra og hafnaði í 15. sæti í karlaflokki á heimsvísu.
Að keppninni lokinni voru afhentar viðurkenningar og rjómaterta með kaffinu.
„Við erum afar stolt af öllum íbúum sem tóku þátt hvort sem það var með því að hjóla daglega, hvetja aðra eða skapa góða stemningu í kringum keppnina. Keppnin hefur sýnt hversu mikill kraftur, lífsgleði og keppnisskap býr á Grenilundi,“ segir að lokum í tilkynningunni.
Mynd með grein: Grenivik.is
COMMENTS