Akureyrarbær og Kambagil ehf. hafa undirritað samning um afnot af landi til reksturs sleðabrautar milli Hlíðarfjalls og Hálanda. Greint er frá á vef Akureyrarbæjar í dag.
Þar segir að brautin verði allt að 1800 metra löng og að verkefnið eigi rætur að rekja til hugmyndasamkeppni um nýja afþreyingu í Hlíðarfjalli.
Stefnt er að því að framkvæmdir hefjist í ár og að brautin verði opnuð sumarið 2027 en í síðasta lagi sumarið 2028.
Leigutími samningsins er 25 ár frá opnun, með möguleika á endurskoðun og framlengingu síðar. Rekstraraðili mun einnig hafa heimild til að samnýta bílastæði Hlíðarfjalls. Verkefnið er háð því að fjármögnun fáist og að öll tilskilin leyfi verði veitt.
COMMENTS