Bæjarráð Akureyrar samþykkti að veita BSO frest til 1. maí 2026 til þess að flytja starfsemi sína af lóð við Strandgötu á fundi sínum í morgun.
Bæjarráð samþykkti 21. ágúst 2025 úthlutun lóðar til SS Byggis ehf. sem fól í sér, með vísan í samþykkt bæjarráðs frá 21. desember 2023, að BSO færi með starfsemi sína og húsakost af svæðinu innan sex mánaða frá úthlutun lóðar.
Ásta Magnea Einarsdóttir, framkvæmdastjóri BSO, óskaði eftir framlengdum frest í ljósi þess að framkvæmdir SS Byggis á svæðinu væru ekki skipulagðar á næstunni og þeim væri ekkert til fyrirstöðu að BSO gætu verið lengur á lóðinni.
COMMENTS