Á vef Akureyrarbæjar hefur verið opnað nýtt vefsvæði þar sem finna má allskyns hugmyndir um hvað sé sniðugt og gaman að gera í samkomubanni á Akureyri. Vefsvæðið má skoða með því að smella hér.
„Þrátt fyrir óvenjulegar aðstæður og takmarkanir þá skiptir verulegu máli að láta sér líða vel og gera það besta úr aðstæðum. Enn er hægt að gera ótrúlega margt skemmtilegt og uppbyggilegt sem má vel vekja athygli á,“ segir í tilkynningu á vef bæjarins.
Sérstök áhersla er lögð á útivist og hreyfingu en einnig á aðra afþreyingu, svo sem á vegum safna bæjarins, og ýmsa menningarviðburði í netheimum. Auk þess eru á síðunni góð ráð sem snúa að vellíðan, virkni og heimavinnu.
Síðan heitir einfaldlega Láttu þér líða vel og er aðgengileg hér. Athugið að listinn er ekki tæmandi og verður uppfærður
UMMÆLI