Anna Lovísa og Emilía Björt Hörpudóttir sigruðu Sturtuhausinn, söngkeppni VMA, 2026 í Sjallanum í gærkvöld. Þær fluttu lagið Something in the Orange eftir Zack Bryan. Fjallað er um keppnina á vef VMA.
Í öðru sæti varð Ásta Ólöf Jónsdóttir sem tók lagið Einmana eftir Þorvald Bjarna Þorvaldsson úr Ávaxtakörfunni. Í þriðja sæti varð Ninja Dögun Gunnarsdóttir með lagið Lover Girl eftir Laufey.
Sem sigurvegarar Sturtuhaussins 2026 verða Anna Lovísa og Emilía Björt fulltrúar VMA í Söngkeppni framhaldsskólanna vorið 2026.
Í ár voru níu lög í keppninni. Hin sex lögin fluttu Sigrún Dalrós Eiríksdóttir, Ólöf Alda Valdemarsdóttir, Emelía Bjarnveig Skúladóttir, Gunnþór Ingi Jóhannesson, Droplaug Dagbjartardóttit, Benjamín Kári og Elías Már og Sigrún Dalrós Eiríksdóttir.
COMMENTS