Ásbjörn Pálsson tekur við formennsku í YEHÍ

Ásbjörn Pálsson, matreiðslumeistari og yfirmatráður hjá Heilbrigðisstofnun Norðurlands á Húsavík, tók í dag, 5. nóvember, við sem formaður YEHÍ — Félags yfirmanna í eldhúsum heilbrigðisstofnana á Íslandi. Þetta kemur fram í tilkynningu á samfélagsmiðlum Heilbrigðisstofnunar Norðurlands, HSN, í dag.
Þar segir: YEHÍ er félagsskapur yfirmanna í eldhúsum heilbrigðisstofnana og vettvangur fyrir fagleg samskipti og miðlun þekkingar. Á vef félagsins má meðal annars finna uppskriftasafn, matseðlabanka og fræðsluefni sem nýtist í starfi eldhúsa.
Ásbjörn fer fyrir eldhúsi HSN á Húsavík og leggur þar sitt af mörkum til þeirrar mikilvægu þjónustu sem matargerð á heilbrigðisstofnun er. Í starfi hans mætast fagþekking matreiðslumeistarans og ábyrgð á daglegri starfsemi eldhússins. Með formennskunni tekur hann nú einnig að sér að leiða félag starfsfélaga sinna víðs vegar að af landinu.
„Við hjá HSN erum stolt af framlagi Ásbjarnar til stofnunarinnar og þess að hann taki að sér þetta mikilvæga hlutverk á vettvangi fagsins. Þátttaka starfsfólks okkar í faglegu samstarfi er dýrmæt og skapar tækifæri til að miðla reynslu, sækja nýja þekkingu og efla tengsl milli stofnana. Við óskum Ásbirni innilega til hamingju með formennskuna og velfarnaðar í störfum fyrir YEHÍ,“ segir í tilkynningu HSN.
Tengdar greinar
Uppfært: 10. nóvember 2026










