Íþróttahátíð Akureyrar
Íþróttabandalag Akureyrar og Akureyrarbær bjóða bæjarbúum til athafnar í Hofi fimmtudaginn 29. janúar kl. 17.30 þar sem kjöri íþróttakonu og íþróttakarls Akureyrar fyrir árið 2025 verður meðal annars lýst. Frá þessu er greint á heimasíðu ÍBA.
Verður þetta í 47. sinn sem Íþróttamaður Akureyrar er heiðraður og í tíunda sinn þar sem bæði íþróttakona- og íþróttakarl Akureyrar eru valin og heiðruð.
Dagskrá hátíðar
- Hátíðin sett af formanni ÍBA
- Ávarp formanns Fræðslu- og lýðheilsuráðs
- Kynning á Íslandsmeisturum 2025
- Kynning á heiðursviðurkenningum Fræðslu- og lýðheilsuráðs
- Styrkveiting úr Afrekssjóði Akureyrar
- Kynning á tilnefningum tíu efstu til Íþróttafólks Akureyrar 2025
- Kjöri íþróttkarls- og íþróttakonu Akureyrar 2025 lýst
Athöfnin er opin öllum. Húsið opnar klukkan 17 en athöfnin sjálf hefst kl. 17:30.
Tíu efstu tilnefningar til íþróttakonu Akureyrar 2025 (Í stafrófsröð)
- Andrea Ýr Ásmundsdóttir – GA – golf
- Bergrós Ásta Guðmundsdóttir – KA/Þór – handbolti
- Drífa Hrund Ríkharðsdóttir – KA – lyftingar
- Emma Karólína Snæbjarnardóttir – Þór – körfubolti
- Hafdís Sigurðardóttir – HFA – hjólreiðar
- Hulda Björg Hannesdóttir Þór/KA – knattspyrna
- Julia Bonet Careras – KA – blak
- Sandra María Jessen – Þór /KA – knattspyrna
- Stefanía Daney Guðmundsdóttir – UFA – frjálsar íþróttir
- Sædís Heba Guðmundsdóttir – SA – listhlaup á skautum
Tíu efstu tilnefningar til íþróttakarls Akureyrar 2025 (Í stafrófsröð)
- Alex Cambray Orrason – KA – kraftlyftingar
- Baldvin Þór Magnússon – UFA – hlaup
- Bjarni Ófeigur Valdimarsson – KA – handbolti
- Einar Árni Gíslason – SKA – gönguskíði
- Hallgrímur Mar Steingrímsson – KA – knattspyrna
- Sigfús Fannar Gunnarsson – Þór – knattspyrna
- Sólon Sverrisson – KA – fimleikar
- Unnar Hafberg Rúnarsson – SA – íshokkí
- Veigar Heiðarsson – GA – golf
- Þorbergur Ingi Jónsson – UFA – hlaup
Hátíðin er opin öllum en verður einnig streymt. Hlekkur á streymið kemur inn á heimasíðu ÍBA á næstu dögum.
COMMENTS