Lækkaður hámarkshraði við Þelamerkurskóla

Hámarkshraði á þjóðvegi 1 framhjá Þelamerkurskóla hefur nú verið lækkaður í 70 km/klst. Þetta kemur fram á vef Hörgársveitar í dag.

„Umferðin er mikil við skólann og hefur hraðinn valdið áhyggjum meðal foreldra og íbúa. Með nýju hraðamörkunum er hættan á slysum minni og aðstæður öruggari fyrir alla sem stunda nám og starf við skólann. Breytingin er skýr skilaboð um að öryggi barna og vegfarenda sé ávallt í forgangi,“ segir á vef Hörgársveitar.