Vegna gatnaframkvæmda innan Hrafnagilshverfis hefur verið opnað tímabundið á umferð inn og út úr hverfinu að sunnanverðu fram hjá Hrafnagilsbúinu. Þessu greinir Finnur Yngvi Kristinsson, sveitarstjóri, frá á vef Eyjafjarðarsveitar.
Búast má við að þessi leið verði opin í einhverjar vikur meðan farið verður í lokafrágang gatna í hverfinu en því mun fylgja umtalsvert meira ónæði á næstu vikum þar til búið er að leggja nýtt malbik á Hrafnatröðina sem gengur gegnum allt hverfið.
Óhjákvæmilegt verður að útbúa nýjar hjáleiðir meðan undirbúningur er í gangi og á meðan á malbikun stendur. Verða leiðir þá merktar inn á kort og kynntar á vef Eyjafjarðarsveitar þegar þær liggja fyrir.
„Með þökk fyrir þá þolinmæði sem vegfarendur hafa sýnt meðan á öllum þessum viðamiklu framkvæmdum stendur,“ skrifar Finnur.
COMMENTS