Akureyrarbær hefur í samvinnu við Arkitektafélag Íslands auglýst opna framkvæmdasamkeppni um skipulag Akureyrarvallar og nágrennis. Markmiðið er að finna heildarlausn sem tengir miðbæinn betur við norðurhluta bæjarins og Glerársvæðið.
Um er að ræða svæðið þar sem fyrrverandi íþróttaleikvangur Akureyrar stendur. Staðsetningin þykir bjóða upp á mikla möguleika til að þétta byggð og styrkja innviði. Óskað er eftir raunhæfum tillögum sem einkennast af metnaðarfullum arkitektúr og virðingu fyrir sögu og náttúru svæðisins. Dómnefnd mun horfa sérstaklega til þess hvernig tillögur leysa umferðarmál við Glerárgötu, tryggja gott aðgengi og skapa skjólsæl útisvæði.
Vegleg verðlaun eru í boði fyrir bestu tillögurnar, þar sem fyrstu verðlaun nema sex milljónum króna. Keppnislýsing hefur þegar verið gefin út og er skilafrestur tillagna til 24. apríl næstkomandi. Stefnt er að því að niðurstaða dómnefndar, sem skipuð er fulltrúum bæjarins og fagfólki, liggi fyrir í lok maí 2026.
Nánari upplýsingar á vef Akureyrarbæjar.
COMMENTS