Sinubruni við Lundeyri á Akureyri

Sinubruni er við Lundeyri á Akureyri skammt austan við Þverholt. Þetta kemur fram í tilkynningu frá Lögreglunni á Norðurlandi eystra.

Lögreglan hvetur íbúa í nágrenninu til þess að loka gluggum þar sem mikinn reyk hefur lagt yfir hverfið.

Uppfært 11:50: Búið er að slökkva eldinn sem kom upp. Slökkvilið Akureyrar var fljótt á svæðið og greiðlega gekk að slökkva eldinn.