Akureyringarnir Pálmi Hrafn Tryggvason og Róbert Davíðsson munu taka að sér jólaskreytingar á Akureyri þessi jól. Þeir segjast vilja gera heimabæinn hlýlegan og jólalegan yfir hátíðarnar.
Pálmi og Róbert eru reyndir verktakar sem ákvaðu að bjóða þjónustu í jólaskreytingum fyrir einstaklinga, húsfélög, fyrirtæki og stofnanir fyrir jólin. Þeir eru staðsettir á Akureyri en segjast geta þjónað öllu Norðurlandi.
„Við hvetjum Akureyringa og nærsamfélagið að slá í púkk og gera bæinn að skínandi jólabæ. Við teljum að sameiginleg skreyting geri hverfi bæjarins hlýlegri og auki aðsókn og gleði gesta og gangandi.“
Þeir segjast geta tekið að sér allt frá hugmyndavinnu til uppsetningar og niðurrifs eftir hátíðir. „Við erum með mikla reynslu af uppsetningu jólaljósa og skreytinga og vinnum með vönduðum efnum, tryggjum örugga festingu við íslenskar aðstæður og skilum góðum vinnubrögðum. Gerum Akureyri að jólabæ – saman látum við ljósið skína,“ segja þeir Pálmi og Róbert.
Hægt er að fylgjast með þeim Pálma og Róberti á www.jolaskreytingar.is eða á Instagram: https://www.instagram.com/jolaskreytingar.is
COMMENTS